Champion kan phu - Messi

Lionel Messi chuan thla leha khelh tur Copa America Centenario-ah Argentina chu an cham--pion a hun ve tawh thu leh an hlawhtlin a hun ve tawha a hriat thu a sawi.

South America ramte inelna Copa America hi ram leh ram football hmanga inelna upa ber niin kum thum dana khelh ṭhin a ni. Nikum khan inelna hi neih ni mah se kumin hi kum 100 a tlin champha a nih avangin ṭum dang ang lo takin a kum zawnin an khel dawn a ni.

Argentina hi 2014 FIFA World Cup final-ah khan Germany lakah Mario Gotze goal khat khung hmangin an chak lo a, nikum khan Copa America final lut lehin a thlengtu Chile chu penaty shootout-ah an hneh lo.

Ballon d'Or chawi-mawina vawi nga dawng tawh Messi chuan, "Ar-gentina hian tun hnaiah beisena sang tak nen inel-na hmachhawn ṭhin mah se a tawpah a vanduai zawkah kan ṭang thei hle. Kumin Copa hi chu kan hun a nih ve tawh ngei ka beisei a, hlawhtling tur chuan kan theihna zawng zawnmg kan hmang ang," tiin a sawi.

Argentina hian Copa America khelh hnuhnung pathumah final an lut vek a, mahse a chak lo zawkah an ṭang vek thung. Kum 1993 hnuah major tournament-ah an la champion leh miah lo a ni.