Gotze thutluknain Bayern chairman-a barakhaih

Bayern Munich chairman Karl-Heinz Rummenigge chuan Liverpool rim lai an player Mario Gotze-a'n Allianz Arena-a cham chhunzawm zel a tum chu mak a tih thu a sawi.

Reds manager Jurgen Klopp chuan Borussia Dort-mund-a a lo enkawl tawh Gotze hi Anfield-a hruai a duh nia sawi a ni a, mah se Germany international hian Thawhṭanni khan season thar chu Bayern-ah bawk hman a tum thu a sawi chhuak.

Bayern chairman chuan, "Season thar aṭanga kan coach tur Carlo Ancelotti leh Gotze-te hi ka titi pui tawh a, Mario hnenah hian tlang takin engkim kan hrilh tawh avangin club-in a chunga kan rilru puthmang chu a hria a ni," tiin Allianz Arena-a cham zel turin kum 23-a upa mid-fielder hi a duh lo niin a lang.

Rummenigge chuan sawi chhunzawmin, "Mario hian European Championship khelh laia rilru dang put a duh lo. Mahse, inkhelh tam a duh leh duh loh chungchangah erawh thutlukna a siam vat a
ṭul a ni," tiin Gotze tan Bayern-ah a cham a nih chuan hmun pawimawh chan a harsat tur thu a sawi.

Germany tan vawi 50 a inlana goal 17 khung tawh Gotze hian hliam vangin tun season-ah match a khel team lo a, Pep Guardiola kaihhruai Bayern tan league match 14 khelin goal thum a khung.