Guardiola-a'n a naute chhawm dawn

Season thar aṭanga Man-chester City enkawl tur Pep Guardiola chuan Bayern Munich aṭangin a staff pali Domenec Torrent, Lorenzo Buena-ventura, Carles Planchart leh Manel Estiarte-te chu Etihad Stadium-ah a chhawm dawn.

Pep-a assistant tur Domenec Torrent hian Guardiola-a'n Barcelona B team a enkawl ṭan tirh aṭangin Spanish manager tha chhang a dawl tawh a, fitness coach Buenaventura hian kum 2008 khan Barcelona-ah Pep hi zawmin scout and video analyst head tur Carles Planchart pawh hian 2007 aṭang khan Pep-a hnung hi a zui tawh bawk.

Manel Estiarte hi Pep-a ṭhian hnaivai tak a ni a, kum 2008-12 chhung Barcelona head of external relations dinhmun a luah hnuah Guardiola personal assis-tant ni turin City coach thar hi Bayern Munich-a khan a zawm ṭan a ni.

Nilaini khan Bayern Munich chuan Pep leh a naute pali thlahna hun hi Munich khawpuiah an hmang a, Bayern chairman Karl-Heinz Rummenigge chuan, "Pep-te nena kan hun hman ropui tak avang khan kan lawm a, a team-te nen ṭha leh hlawhtling taka hna an thawh zel theih nan ka duhsakna ka hlan a ni," tiin Guardiola leh a naute a thlah.