Sabalenka tan hna a awlsam

Aryna Sabalenka chuan Emma Navarro hnehin French Open quarterfinal a lut. Thawhṭanni zan last 16 inkhelah Sabalenka hian harsatna lian tham a tawk lo - straight set 6-2, 6-3 in a chak.

Australian Open champion lai Sabalenka hi tun hnai player ṭha leh hmuhnawm berte zinga mi a ni a, inelna lian boruak pawh a ngam thei hle; Grand Slam a khelh hnuhnung pasarihah quarterfinal a lut vek a ni.

Belarusian star Sabalenka leh Navarro te hi tun season tir lam khan Indian Wells-ah an lo intawng tawh a, hemi ṭum hian Navarro a chak, tunah erawh a tir aṭanga a tawp thlengin Sabalenka a chungnung.

Seeded pahnihna Sabalenka hian a match lehpekah chuan Mirra Andreeva a hmachhawn ang, inkhel dangah Andreeva hian tualchhung nula Varvara Gracheva chu 7-5, 6-2 in a lo hneh ve thung a ni.

Sabalenka kalkawngah hian a ṭhiannu Elena Rybakina a awm thei dawn, an chak zel a nih chuan semifinal-ah an intawng dawn a ni. Thawhṭanni zan inkhel dangah Rybakina hian Elina Svitolina chu 6-4, 6-3 in a lo hneh ve thung.