Juve leh Allegri an inṭhen fel

Juventus chuan an manager Massimiliano Allegri nen inhriatthiam tawnnain an inṭhen tih an puang a, a contract neih lai chu hmang zo loin an tih tawpsak tihna a ni.

May thla khan Old Lady hian Italian Cup final-ah Atalanta chu 1-0 in an hneh lo a, Serie A season an hman zawh takah khan beisei phak loin pathumna an ni bawk.

League champion Inter Milan leh Juve inkarah hian point 23 tehmeuh a awm - Italian club lian pahnih inthlauhna a zau tazket a, season thara Champions League khelh phak ringawt chu inhnem nan a tawk lo a ni.

Juve chuan thuchhuah siamin, "Juventus leh Massimiliano Allegri te chuan tun season tawp rualin contract kan neih lai chu kan titawp. Club tana a thil tih ṭhat te avangin Allegri chungah kan lawm a, a kal leh zelna turah duhsakna kan hlan," an ti.

Italian manager hian Juventus hi ṭum hnih a enkawl tawh. Turin club tana hun a hman rei zawng belhkhawm chu kum riat niin, Serie A nomawi leh Italian Cup panga ve ve bakah Italian Super Cup vawi hnih a lakpui hman bawk.