Euro C'ship-ah a thlengtu Germany an ropui thei ang em?

2024 UEFA European Football Championship chu June 14 - July 14, 2024 chhungin Germany-ah khelh a ni dawn. Football ram ropui Germany hi tun hnaiah an ropui lo a, kum 2014 World Cup-a an champion hnuah nomawi an chawi leh tawh lo.

Germany hi group A-ah Scotland, Hungary leh Switzerland te nen an awm ho a, group khat aṭangin pahnihin last 16 an lut nghal dawn. Group paruk aṭangin pathumna tiṭha paliin knockoutstage an lut bawk dawn. Germany tan group stage paltlang loh hi chhiatna rapthlak tia sawi theih a ni ang.

16-na Germany

Germany hi World Cup champion zawh hnu lam chuan FIFA ranking-ah pakhatna te an ni ṭhin a, tunah erawh 10-na chu sawi loh, 16-naah an awm. Chutihrualin tun ṭum inelna hi Europe ram tan chauh a ni a, Europe ram bikah chuan 10 zingah an tel pha.

Die Mannschaft chungah hian France, Belgium, England, Portugal, Netherlands, Spain, Italy leh Croatia te an awm. Ram pariat ngawt Germany chunga an awm avangin Julian Nagelsmann hote hi champion lo pawh ni se mak tih a hlawh lo ang.

Chutihrualin an group-a ram dang pathum Switzerland (19), Hungary (26) leh Scotland (39) te hi an hnuaia awm vek an ni a, group stage paltlang loh chu mualphona a ni.

Vawi 3 champion

Euro C'ship-ah erawh Germany aia record nei ṭha an awm lo. Die Mannschaft hian vawi thum nomawi an chawi tawh a, final-ah vawi thum an vanduai tawh. Kum 2008 final-a an hneh loh Spain-in vawi thum an champion tawh bawk a, mahse La Roja erawh final-a chak loh vawi khat chiah an nei.

Chutihrualin Germany champion hnuhnun ber erawh kum 1996 daih tawh kha a ni a, kum 28 liam ta daih a nih tawh avangin inchhuanna tur a ni tawh lo.

Hungary, Scotland leh Switzerland te erawhin final an la lut ngai lo hrim hrim. Kum 1964 khan Hungary-in semifinal an lut a, tun hnuah erawh Euro C'ship khelh phak hi an lawmna tawk a ni rih.

Scotland hian inelna vawi thum an hmachhawn tawh a, group stage an la paltlang ngai lo. Switzerland-in kum telin hma an sawn a, kum 2016 khan last 16 thlengin inelna hnuhnung berah quarterfinal an lut leh bawk.

Beisei a sang lo?

Germany-in World Cup nomawi an chawi hnuah World Cup vawi hnih khel leh tawhin group stage-ah an tla ve ve. Euro C'ship kum 1996-a an champion hnuin inelna zawnin group stage-ah an la tla bawk. Mahse, kum 2008 khan final an lut a, kum 2012 leh 2016-ah semifinal an lut leh bawk.

Inelna hnuhnung berah England hneh loin last 16-ah an tla a, Euro 2024 an khelh theih chhan hi inelna thlengtu an ni. Tun hnaia an result-ah Germany-in chhuan tur an nei tlem hle. Chutihrualin Bayer Leverkusen an chet ṭhat vangin Germany-in chhawr ngam player an neih belh a; Florian Wirtz, Robert Andrich leh Jonathan Tah te chu bul ṭan thei vek an ni.

Germany hian tun hnaia player chhuak thar zinga hming langsar pahnih Wirtz leh Jamal Musiala te an kawl a, mahse player pahnih hian bul an ṭan chungin Julian Nagelsmann-a hote hi May 3, Thawhṭanni zan khan Ukraine nen goal awm loin an inhnehtawk.

Mahni muala Ukraine hneh thei lo, Germany tan champion nomawi chawi hi a harsa dawn. Chutihrualin friendly match-ah hian UEFA Champions League-a inlan ho an la khel lo.

UCL nomawi chawi zo hlim Toni Kroos leh Antonio Rudiger bakah a vanduai lama ṭang Borussia Dortmund player Nico Schlotterbeck leh Niclas Fullkrug te an awm hunah chuan ṭha sawt ang.

Group A

GERMANY

Germany-in May 16, Pathianni khan player 27 awmna probables squad an puang a, Euro squad-ah hian player 26 aia tam a tel theih loh avangin player pakhat paih a la ṭul dawn.

Manager: Julian Nagelsmann

Goalkeepers: Oliver Baumann (Hoffenheim), Alex Nubel (Stuttgart), Manuel Neuer (Bayern Munich), Marc-Andre ter Stegen (Barcelona)

Defenders: Waldemar Anton (Stuttgart), Benjamin Henrichs (RB Leipzig), Joshua Kimmich (Bayern Munich), Robin Koch (Eintracht Frankfurt), Maximilian Mittelstadt (Stuttgart), David Raum (RB Leipzig), Antonio Rudiger (Real Madrid), Nico Schlotterbeck (Borussia Dortmund), Jonathan Tah (Bayer Leverkusen)

Midfielders: Robert Andrich (Bayer Leverkusen), Chris Fuhrich (Stuttgart), Pascal Gross (Brighton and Hove Albion), Ilkay Gundogan (Barcelona), Toni Kroos (Real Madrid), Jamal Musiala (Bayern Munich), Aleksandar Pavlovic (Bayern Munich), Leroy Sane (Bayern Munich), Florian Wirtz (Bayer Leverkusen)

Forwards: Maximilian Beier (Hoffenheim), Niclas Fullkrug (Borussia Dortmund), Kai Havertz (Arsenal), Thomas Muller (Bayern Munich), Deniz Undav (Stuttgart)

HUNGARY

Hungary hian May 14, Thawhlehni khan player 26 awmna squad an puang. Player panga Krisztián Lisztes, Attila Mocsi, Balázs Tóth, Zalán Vancsa leh Bálint Vécsei te inhliam/inhnuhdawh vangin an aiawh tur player an ko leh tawh.

Manager: Marco Rossi

Goalkeepers: Denes Dibusz (Ferencvaros), Peter Gulacsi (RB Leipzig), Peter Szappanos (Paks)

Defenders: Botond Balogh (Parma), Endre Botka (Ferencvaros), Marton Dardai (Hertha BSC), Attila Fiola (Fehervar), Adam Lang (Omonia Nicosia), Willi Orban (RB Leipzig), Attila Szalai (Freiburg)

Midfielders: Bendeguz Bolla (Servette), Mihaly Kata (MTK), Milos Kerkez (Bournemouth), Laszlo Kleinheisler (Hajduk Split), Adam Nagy (Spezia Calcio), Zsolt Nagy (Puskas Akademia), Loic Nego (Le Havre), Andras Schafer (Union Berlin), Callum Styles (Sunderland)

Forwards: Martin Adam (Ulsan Hyundai), Kevin Csoboth (Ujpest), Daniel Gazdag (Philadelphia Union), Krisztofer Horvath (Kecskemet), Roland Sallai (Freiburg), Dominik Szoboszlai (Liverpool), Barnabas Varga (Ferencvaros).

SWITZERLAND

Switzerland hian May 17, Zirtawpni khan player 38 awmna probables squad an puang. May 29, Nilaini khan Aurèle Amenda, Ulisses Garcia, Joël Monteiro, Bryan Okoh leyh Bećir Omeragic te chu paih an ni a, player 33 an la awm.

Manager: Murat Yakin

Goalkeepers: Yann Sommer (Inter Milan), Yvon Mvogo (Lorient), Gregor Kobel (Borussia Dortmund), Marvin Keller (Winterthur), Pascal Loretz (Luzern)

Defenders: Ricardo Rodriguez (Torino), Fabian Schar (Newcastle United), Manuel Akanji (Manchester City), Nico Elvedi (Borussia Monchengladbach), Silvan Widmer (Mainz 05), Kevin Mbadu (Augsburg), Ulisses Garcia (Marseille), Cedric Zesigner (Wolfsburg), Leonidas Stergiou (Stuttgart), Aurele Amenda (Young Boys), Albuan Hajdari (Lugano), Bryan Okoh (Red Bull Salzburg).

Midfielders: Granit Xhaka (Bayer Leverkusen), Xherdan Shaqiri (Chicago Fire), Remo Freuler (Bologna), Denis Zakaria (Monaco), Michel Aebischer (Bologna), Fabian Rieder (Rennes), Uran Bislimi (Lugano), Ardon Jashari (Luzern), Filip Ugrinic (Young Boys), Vincent Sierro (Toulouse).

Forwards: Breel Embolo (Monaco), Steven Zuber (AEK Athens), Ruben Vargas (Augsburg), Renato Steffen (Lugano), Noah Okafor (AC Milan), Zeki Amdouni (Burnley), Andi Zeqiri (Genk), Dan Ndoye (Bologna), Kwadwo Duah (Ludogorets), Joel Monteiro (Young Boys).

SCOTLAND

Scotland hian May 22, Nilaini khan player 28 awmna squad an puang. June 1, Inrinni khan inhliam vangin Lyndon Dykes a inhnukdawk a, player pakhat paih a la ngai dawn.

Manager: Steve Clarke

Goalkeepers: Zander Clark (Heart of Midlothian), Craig Gordon (Heart of Midlothian), Angus Gunn (Norwich City), Liam Kelly (Motherwell)

Defenders: Liam Cooper (Leeds United), Grant Hanley (Norwich City), Jack Hendry (Al-Ettifaq), Ross McCrorie (Bristol City), Scott McKenna (Nottingham Forrest), Ryan Porteous (Watford), Anthony Ralston (Celtic), Andy Robertson (Liverpool), John Souttar (Rangers), Greg Taylor (Celtic), Kieran Tierney (Arsenal)

Midfielders: Stuart Armstrong (Southampton), Ryan Christie (Bournemouth), Billy Gilmour (Brighton), John McGinn (Aston Villa), Callum McGregor (Celtic), Kenny McLean (Norwich City), Scott McTominay (Manchester United)

Forwards: Che Adams (Southampton), Ben Doak (Liverpool), Lyndon Dykes (QPR), James Forrest (Celtic), Lawrence Shankland (Heart of Midlothian)