South Africa leh Afghanistan an chak

T20 Cricket World Cup-ah South Africa-in an group-a team ṭha bera ngaih Sri Lanka an hmachhawn nghal chungin wicket rukin an chak a, ball 22 an dah bang thei bawk. New York-a inkhelah Sri Lanka-in 77 runs chauh an siam a, Proteas-in 16.2 overs-ah 80 runs siamin hnehna an chang.

Nimin zing khan Afghanistan-in Uganda chu 125 runs zetin an sawp bawk. Afghanistan hian over 20-ah 183/5 runs an siam a, Uganda batter-te chu Fazalhaq Farooqi lakah an thamral zui. Kum 23 mi Farooqi hian run kua chauh pein wicket nga a la a, a khel ṭha takzet. Uganda hian 58 runs chauh siamin over 16-naah an thi vek.