West Ham-in rawlthar Guilherme la lut dawn

Premier League club West Ham-in nipui transfer lamah mit an len ṭan a, Brazilian midfielder Luis Guilherme chu Palmeiras aṭangin an la lut dawn - a man zat hi pound maktaduai 25.5 vel a ni dawn.

Hammers director of football Tim Steidten chu Brazil-ah Guilherme lakluh dan ngaihtuahin a zin a, khawthlang media ṭhenkhatin Hammers hi hlawhchham thei dinhmuna ding angin sawi mah se, an la lut ngei dawn niin a lang.

Kum 18 mi Luis Guilherme hian season hman zawh takah khan Palmeiras tan inelna hrang hrangah match 18 khelin goal khat a khung a, assist vawi khat a nei bawk.

Hammers hi Europa Conference League-a champion puitu coach David Moyes nena inṭhenin, coach thar atan Real Madrid manager hlui Julen Lopetegui an la lut a, Guilherme hi an la lut a nih chuan Lopetegui hnuaia an player lei hmasak ber tur a ni ang.

Hetihrual hian Spanish coach hi transfer-ah thui tak a inrawlh dawn lo a, director of football Tim Steidten hi Hammers transfer vel khawihtu ber a ni tawh dawn a ni.