Vawiin aṭangin BR Studio MFAFL5

BR Studio MFA Futsal League Season 5 chu vawiin aṭangin KK Futsal Ground, Durtlang Leitanah khelh a ni dawn. Tun Season MFA Futsal League-ah hian club 14 an awm. Champion lai FC Thyristor, Ramhlun Venglai chu AIFF Futsal Club Championship 2023-24 an khelh dawn avangin MFAFL-ah an inlan thei dawn lo.

FC Thyristor hi inlan lo mah se season tharah MFAFL an la khel zel dawn. Inelnaah hian team 13-te hi vawi khat ṭheuh an inkhel chhuak ang a, a sang paliin semifinal an khel ang. Nikum October thla khan round thum khelh a ni tawh a, vawiina khelh tur hi round 4 a ni ang.

MFAFL aṭangin team pathum an tla dawn a, Division One aṭangin Futsal League khel turin team pathum an tling ang. MFAFL6 atan Divison One aṭangin Delija FC (Chawnpui Veng), Ramhlun North FC leh JK FC (Chanmari) te an tling tawh a ni.