I League player hmuhnawm Edmund

Kum naupangtê ni chungin Edmund Lalrindika'n Indian football-ah hming a chher a, India Under-20 tan pawh match ruk khelin goal hnih a khung tawh - AIFF Elite Academy-ah inzirin, Bengaluru B, Indian Arrows, Bengaluru, East Bengal leh Inter Kashi tan a khel tawh.

Edmund hian a tirah beisei a phak dawn lo emaw tih laiin, season hmasaah a rawn che ṭha leh a, Mizo forward lam hi Indian football ngainatuten an hawi ṭhup - Inter Kashi tan an chhuanvawr a tling phak.

Lunglei tlangval hian season hman zawh takah khan inelna hrang hrangah match 31 khelin goal sarih a khung a, assist vawi kua a nei. ISL club tam takin sawm mah se, loan-a a khelhna Inter Kashi-ah a ngheta cham a thlang a, kum hnih atan contract a ziak.

Edmund hian Canadian Premier League club Atlético Ottawa-ah training a nei dawn a, I League-ah pawh player hmuhnawm pawl ni leh tura beisei a ni.