Vairengte tlangval David Lalhlansanga

India probable squad-ah a vawi khat nan David Lalhlansanga koh a ni a, final squad-ah a tel nghal. Vairengte tlangval tan kum hriatreng tlak a ni a, Mohammedan SC chu I League leh Calcutta Football League-ah nomawi a chawipui.

Season thara ISL khel tur David hian CFL-ah hian goal 21 ngawt khungin, top scorer a ni a, amah hnaih bertu aiin goal kuain a khung tam zawk. Durand Cup-ah goal ruk khungin top scorer a ni a, assist vawi khat a nei tel.

I League-ah match 22 khela goal nga khungin, assist vawi hnih a nei a, Aizawl FC aṭanga inzir chhuak striker hian CFL chhiar tel lohin, season hman zawh takah khan inelna hrang hrangah match 25 khela goal 11 khungin, assist vawi thum a nei.