NBA Finals : Zirtawpni zingah game 1 khel dawn

Basketball inelna ngaihhlut NBA Finals chu June 7, Zirtawpni zing dar 6:00 hian khelh ṭan a ni dawn. TD Garden-ah Boston Celtics chuan game 1 khe turin Dallas Mavericks an lo mikhual dawn a ni.

Tun season kan thlir chuan Boston hi team ṭha bera chhal ngam an ni, regular season chhung khan team hrang hrang an hneh kim vek a, playoff chinah pawh match 14 an khelh zinga 12 zetah hnehna an chang.

NBA title vawi 17 an la tawh a, champion hnem lamah Los Angeles Lakers nen an inzat mek - kuminah an champion thei a nih chuan Lakers nena an record inṭawm hi an kalsan thei dawn a ni.

Dallas erawhin nomawi an la ngah lo, kum 2011 khan an champion tih loh chu chhuan tur an nei hran lo. Mahse, tunlai player ṭha bik Luka Doncic leh Kyre Irving te an nei a, eng team pawh hneh turin theihna an nei ve bawk.

Regular season bikah khan Western onference lamah pangna an ni a, kuminah hian Boston Celtics hnehna nomawi an chawi thei a nih chuan seeded pangana ni chunga champion thei hmasa ber an ni ang.