Zanin dar 9:00-ah US Vs Pakistan

T20 Cricket World Cup-ah United States-in an match hmasa berah Canada an hneh a, zanin dar 9:00 hian Pakistan nen Grand Prairie Stadium, Texas-ah an inkhel dawn.

United States tan match hmasa berah Aaron Jones a che ropui a, ball 40 aṭangin thi loin 94 runs a siam. Kum 29 mi Jones theihna hi Pakistan bowler hmaah fiahin a awm dawn.

Pakistan hian Shaheen Afridi, Naseem Shah leh Haris Rauf te an kawl a, US tan 150 runs chunglam siam a harsa dawn. Batter lamah ni se, Pakistan opener tur pawh Mohammad Rizwan leh Babar Azam te an ni a, an khelh ṭhat ṭuma team chakpui theih ve ve an ni.

Group A-ah Pakistan leh US hi India, Ireland leh Canada te nen an awm a, pahnih chiah an tlang dawn. Nizan khan India leh Ireland an inkhel a, result kan hre hman lo.