Australia an chak nuamsa

T20 Cricket World Cup-ah ODI leh Test champion lai Australia chuan Oman hmachhawnin inelna an ṭan a, 39 runs-in hnehna an chang. Nimin inkhelah hian Australia hian 164/5 runs an siam a, Oman-in 125/9 runs chauhin an chhanglet.

Aussies hian 39 runs-in hnehna a chang. Mitchell Marsh captain-na hnuaia khel Australia hian tun ṭum T20 Cricket World Cup nomawi an chawi thei a nih chuan inelna pathum Test, ODI leh T20 champion nomawi an kawl vek dawh tihna a ni.

Oman lakah hian David Warner (56) leh Marcus Stoinis (67*) te an che ṭha a, bowling lamah Stoinis (18/3), Mitchell Starc (20/2) leh Adam Zampa (24/2) te an che ṭha bawk.

Inkhel dangah Uganda (78/7) in Papua New Guinea (77) chu wicket thumin an hneh. Zanin dar 8:00 hian Canada leh Ireland te an inkhel ang a; June 5, Inrinni zing dar 5:00-ah New Zealand leh Afghanistan te an inkhel bawk ang.