ICC an ṭanna ngaiah an ding

India leh Pakistan inkhelhna tur Nassau County International Cricket Stadium pitch chu a ṭha tawk loa sawi awm mah se ICC lamin sawn tumna an nei lo. June 9, Pathianni zan dar 8:00-ah India leh Pakistan te hi an inkhel ang.

New York-a cricket pitch hi India-in an sawisel nia hriat a ni a, ball sawh dan tur hriatthiam a har avangin batter tan a him lo niah an ngai. South Africa chuan Thawhṭanni khan Sri Lanka chu 77 runs lekah an vawm hlum vek a, India pawhin Ireland chu 96 runs lekah an vawm hlum ve bawk.

Amaherawhchu, ICC lam chuan India leh Pakistan inkhelhna hmun tur hi thlak an tum lo. Ram inhal tak pahnih inkhel tur hi khawvelin a ngaihven a, mi 32,000 lenna stadium hi khat vek tura ngaih a ni.