Netherlands an hriam

Euro 2024 khel tur Netherlands chuan June 6, Ningani zan khan Canada 4-0 in an sawp. De Kuip, Rotterdam-ah Oranje tan hian Memphis Depay, Jeremie Frimpong, Wout Weghorst leh Virgil van Dijk ten goal an khung a, goal hi second half-a lut vek a ni.

Canada hi manager thar Jesse Marsch hnuaia an match hmasa ber a ni a, beisei ang result an hlawh chhuak lo. Netherlands hi chak chiang viau mah se first half-ah erawh an intluk tawk hle.

Oranje hian June 10, Thawhṭanni zan hian Iceland an hmachhawn leh dawn. Euro 2024 khelh turah Netherlands hi Poland, France leh Austria te nen group khatah an awm a, chetsual chuan group stage paltlang loh theih a ni.