England tan inkhel pawimawh

T20 World Cup-ah England-in match hmasa berah Scotland an hmachhawn a, ruahsur vangin result a awm lo. Three Lions hian zanin dar 10:30 hian Australia an hmachhawn dawn a, chak loh chuan pressure an ngah zawk ang.

England bowler Mark Wood chuan, "Australia a nih tawh chuan cricket khawvela kan elpui a ni a, a pawimawh nghal. Tun ṭumah erawh point vangin a pawimawh tel. Chak ngei a ṭul a ni," tiin a sawi.

T20 World Cup-ah hian team 20 te chu group paliah ṭhendarh a ni a, group tin aṭangin a sang pahnihin Super 8 an lut dawn a ni.