Premier League-ah VAR hmang zel dawn

Premier League-in VAR chungchang an ngaihtuah a, club 20 zinga 19-in hman zel an duh. VAR duh loh awmchhun hi Wolverhampton Wanderers an ni a, ani hian May thla khan 2024-25 season-a VAR hman loh rawttu an ni.

PL-ah hian dan hman lai thlak turin club 20 zinga 14-in an duh a ngai a, tun ṭuma rawtna erawh a tla chiang hle. Wolves-in VAR an duh loh chhan pakua an nei a, chung zingah chuan goal khung lawm a nghawng dan te, match official nena boruak ṭha lo awm thei avang te leh thutlukna siam tura hun mamawh rei te pawh a tel a ni.

VAR hi Premier League-ah hman zel ni dawn mah se a kalphung erawh an thlak hret hret a rinawm. Football Supporters' Association chairman Malcolm Clarke chuan, "VAR hmang hi thlak hlawk a ṭul. Tun ang hi chuan a kal reng thei lo ang," tiin a sawi.

Kumin favang chhoah semi-automated offsides pawh hman theih beisei a ni a, VAR hmanga thutlukna siam dan mipuite hriattir a ni tawk bawk ang. 2023 hmeichhe World Cup-ah khan hman a ni tawh a, referee-in VAR thutlukna chu mipuite hriat turin a sawifiah.