Chelsea-in Adarabioyo an la

Chelsea chuan Fulham aṭangin defender Tosin Adarabioyo chu man nei loin an la. Kum 26 mi English defender hian kum li daih contract a ziak.

Tun thla tawpa a contract zawh rualin Adarabioyo hian Chelsea hi a zawm a, Stamford Bridge a pan chhan hi European competion a khelh duh vang a ni. Season tharah Blues hian Europa Conference League an khel ang.

Fulham hian Manchester City academy chhuak Adarabioyo hi chelh an tum a, April thla khan an club-a hlawh tam ber turin sawm mah se an chelh zo lo.

Adarabioyo chuan, "Chelsea hi club lian tak a ni a, ka tan chuan hun pawimawh bik a ni. Stamford Bridge aṭanga 5 km lekah ka piang a, helai hmunah hian professional match hmasa ber pawh ka khel," tiin a sawi.

Blues hian Brentford aṭangin attacking leh defensive set-pieces coach Bernardo Cueva chu £750,000-in an lalut bawk. Adarabioyo an lakluh avang hian club academy chhuak Trevoh Chalobah chu chhuak tura ngaih a ni a, kum 39 mi Thiago Silva chuan an ram club Fluminense a pan tawh bawk.