Mumbai-in Delhi an hneh

Indian Premier League-ah Pathianni zan khan Mumbai Indians-in Delhi Capitals wicket 5-in an hneh. Mumbai leh Delhi hian point 10 ve ve a hmu a, net run rate ṭha zawk Indians hi pakhatnaah an awm.

Inkhel dangah Rajasthan Royals-in wicket ngain Sunrisers Hyde-rabad an hneh a, team pahnih hian point ruk ve ve an hmu. 

Sheikh Zayed Stadium-ah Delhi Capi-tals-in vuak hmasak an thlang. Shikhar Dhawan-a'n thi loin run 69 zet a siam a, captain Shreyas Iyer-a'n run 42 siam mah se over 20-ah run 162 chauh an tlin. 

Mumbai Indians tan Quiton de Kock leh Suryakumar Yadav ten run 53 ve an siam a, Kieron Pollard (11) leh Krunal Pandya (12) ten ball hnih dan bangin target an thleng a, run 166/5 siamin hnehna an chang.

Dubai International Stadium-ah Sunrisers Hyderabad-in run 158/4 an siam a, Rajasthan Royals-in ball khat dan bangin run 163/5 an siam a, an chak.

Zanin dar 7:30 hian Sunrisers-in Chennai Super Kings an hma-chhawn dawn a, MS Dhoni hote playoff round thlen turin chak ngei a pawimawh ang.