Spain-in Euro an zuam

Euro 2024 khel tura inbuatsaih Spain-in an tha a za tawh tih pholangin, an mikhual Northern Ireland chu 5-1 ngawtin an sawp. North Ireland hian minute hnihna lekah Daniel Ballard hmangin goal hmahruai khung mah se, Spain-in goal ngain an chhanglet.

La Roja tan Pedri chuan goal hnih a khung a, Alvaro Morata, Fabian Ruiz leh Mikel Oyarzabal ten goal khat ṭheuh an khung bawk. Spain hian June 15, Inrinni zanah Euro 2024-a an match hmasa ber chu Croatia nen an khel dawn a, an group-ah Italy leh Albania an la awm bawk avangin round of 16 luh ringawt pawh a harsa ang.