Haaland-a'n hattrick a siam

Erling Braut Haaland-a'n Norway tana hattrick hmasa ber a khung a, Pathianni zan inkhelah Romania 4-0 in an sawp.

Norway hian Euro 2020 playoff-ah Serbia an hneh lo a, nakkuma khelh tur European Championship-ah an khel thei dawn lo.

Nations League-ah erawh Norway an chesual nawn lo a, Romania lakah an chungnung hle. Borussia Dortmund striker hian minute 13, 64 leh 74-naah goal a khung a, ram tan match ruk a inlanah goal ruk a khung.

Norway coach Lars Lagerback chuan, "A la naupang a, hmabak a la ngah hle. Player dang nena khaikhin hi ka duh lo a, chutihrualin a kum rualpuiah ani anga ṭha hi ka la enkawl ngai lo. Nghak leh hret ila, a chungchanga ka ngaihdan dik tak chu ka la sawi ang," tiin Haaland chungchang a sawi.

Haaland hi June 2019-a Cristiano Ronaldo-a'n hattrick a siam hnuah Nations League a hattrick siam leh hmasa ber a ni.