Croatia-in Portugal an hneh

Euro C'ship atana inbuatsaihna friendly match-ah Croatia-in Portugal 2-1 in an hneh. Roberto Martínez-a'n captain pathum Cristiano Ronaldo, Pepe leh Rui Patricio te a chawlh hahdamtir avangin an inlan lo.

Algés-a inkhelah Luka Modric-a'n penalty aṭangin minute riatna lekah a khung a, Croatia hian inkhel thunun zuiin goal erawh an khung belh lawk lo. Portugal-in Diogo Jota hmangin second half ṭantirhah si phurh an sut a, mah se khel ṭha zawk Croatia-in an khung belh.

Minute 56-naah substitute Mario Pašalić-a'n kawh zetin crossbar a pet per a, hemi per hi Ante Budimir-a'n chakna goal ni turin a tauh lut.

Croatia hi Euro 2024-ah group of death tia chhal theih group-ah an awm a; Spain, Italy leh Albania te nen group khata an awm avangin group stage paltlang a har dawn. June 15, Inrinni zan dar 9:30-ah Croatia hian Spain an hmachhawn ang.

Portugal erawh Turkey, Georgia leh Czech Republic te nen group khatah an awm a, last 16 luh a awlsam deuh ang. Ronaldo telna team hian match hmasa berah Ireland nen June 11, Thawhlehni zanah an khel ang.