Copa America khel tur Suarez

Uruguay coach Marcelo Bielsa chuan Copa America khel tur player 26 a ti chiang ta a, an zingah hian kum 37 mi Luis Suarez a tel - a vawi nga nan Copa America a khel dawn a ni.

Suarez hian kum 2011 khan an ram hi a lo champion pui tawh a, nomawi an chawi ṭum hian player of the tournament atan an thlang. Kum 2016 khan hliam vangin a inlan thei lo a, 2019 leh 2021 khan quarterfinal a lo thlen pui tawh bawk.

Barcelona striker hlui Suarez hian an ram tan match 138 aṭangin goal 68 a khung tawh a, ani aia khung tam an awm lo - tun hnaiah a club Inter Miami tan a khel ṭha pangngaia a, a tawnhriat neih tawhte ram tan a chhawr thei ang.

Suarez bakah hian tlarhma lama khel tur Darwin Nunez an nei. Liverpool striker tan Copa America hmasa ber a ni dawn a, tun hnai khan Mexico nen friendly match an khelh ṭumin hattrick a siam a, beisei a nei dang dawn a ni.

Uruguay hian Copa America an match hmasa bera atan June 21 hian Panama an hmachhawn ang.

Uruguay:

Goalkeepers: Sergio Rochet (International), Santiago Melé (Junior), Franco Israel (Sporting Lisbon).

Defenders: Ronald Araujo (Barcelona), José María Giménez (Atlético Madrid), Sebastián Cáceres (América), Nicolás Marichal (Dynamo), Mathías Olivera (Napoli), Lucas Olaza (Krasnodar), Matías Viña (Flamengo), Guillermo Varela (Flamengo), Nahitán Nández (Cagliari).

Midfielders: Manuel Ugarte (Paris Saint-Germain), Rodrigo Bentancur (Tottenham), Federico Valverde (Real Madrid), Emiliano Martínez (Midtjylland), Nicolás de la Cruz (Flamengo), Giorgian de Arrascaeta (Flamengo), Agustín Canobbio (Paranaense).

Forwards: Brian Rodríguez (América), Brian Ocampo (Cádiz), Facundo Pellistri (Granada), Maximiliano Araujo (Toluca), Cristián Olivera (Dallas), Darwin Nunez (Liverpool) Luis Suárez (Inter Miami).