Roma neituin Everton a ngaihven

Premier League club Everton chuan neitu thar a nei dawn niin a lang a, tun hnai khan a lei duhtu zingah AS Roma neitu Dan Friedkin hming pawh lamrik a ni.

American sumdawng hausa Friedkin-a haksana hi hi pound vaibelchhe 4.8 vel nia sawi a ni a, ani hian Farhad Moshiri-a'n Everton-a 94% neitu a nihna chu leisak a hreh lo niin an sawi.

BBC tarlan dan chuan, MSP Sports Capital leh sumdawng Andy Bell leh George Downing te pawhin an ngaihven a; Dell Technologies chief executive Michael Dell hming pawh a ni bawk.

Crystal Palace neitu zinga mi John Textor pawhin thla hmasa khan Everton lei a hreh lo tih a lo sawi tawh a, a lei thei dawn a nih chuan Eagles lama 45% neitu nihna a neih pawh a hralh hreh lo nia sawi thlengin a awm.

EPL club hlun zinga mi Everton hian enkawltu lamah buaina an nei ta zeuh zeuh a, an inchingfel hleithei rih lo niin a lang. Dan bawhchhiat vanga point paihsak hial te an tawk tawh a, club ṭantu lam chuan seaon ṭan hmaa intihfel theih ngei a duh ang.