A dinhmun ngaiah Swiatek

Hmeichhe tennis thuneitu sang Women's Tennis Association (WTA) chuan world ranking thar a ti chhuak a, a chung berah Iga Swiatek a awm chhunzawm.

Polish nula hian tun hnai khan a vawi li nan French Open nomawi a chawi a, inelna lian Grand Slam title panga a nei tling ta chiah a, tun hnaiah hmeichhe tennis inelna a thunun thei a ni.

Swiatek hnungah hian Coco Gauff a awm - American tleirawl hian season hmasa khan US Open nomawi a chawi a, kuminah major title lak belh rih lo mah se tournament a khel ṭha ṭhin a, dinhmun sang a luah theih phah.

Australian Open champion Aryna Sabalenka chu pathumnaah a tlahniam. French Open quarterfinal-ah khan Mirra Andreeva a hneh lo - kum 17 mi Andreeva hian a hmaa player awm 15 kal kanin 23-na dinhmun a luah ve bawk a ni.