Raducanu a inpeih tawh

Hliam vanga hun rei tak a buai hnuah Emma Raducanu chuan tennis khel turin a inpeih tih a sawi a, grass court season bul ṭan nan Nottingham Open a khel dawn a ni.

Kum 21 mi Raducanu hi April thla khan Madrid Open-ah a inlan a, ngai a la awh loh avangin French Open a khel lo, clay court inelna lian an khelh lai hian mimal training a lo nei zawk a ni.

US Open champion hlui Raducanu chuan, "Ka taksa a fit ṭha takzet a, ka rilru pawh inkhel turin a inpeih. Ka hliam zai a nih hnuah min enkawltuten ṭha takin min kaihruai a, a ṭha lam zel a thleng tur pawhin ka beisei bawk.

"Inkhel loa awm chu a hrehawm, tunah chuan ka ṭhian dangte kiangah ṭha taka tournament khel turin ka inpeih," a ti a, grass court inelna lian Wimbledon pawh khelh theih ngei a inring.