Italy coach thar tur puang thuai dawn

Antonio Conte-a'n Euro 2016 khelh zawh a nih rualin Chelsea lam a pansan dawn a, Italian Football Federation director general Michele Uva chuan Euro khelh ṭan a nih hma ngeiin an coach thar tur chu puan a nih tur thu a sawi.

Conte hmun ruak luah tur hian Torino coach chhuak ta Giampiero Ventura hming sawi rik a ni a, hei hi Italian media ṭhenkhat chuan a dik lo nia an tarlan avangin Uva chuan media-te hi a chhang a ni.

Michele Uva chuan, "Tun hnaia media ṭhen-khat thu thehdarh hi chu awmze nei lo mai a ni a, June 7-a kan inhmuh-khawm hunah kan coach hming tur chu kan puang ang," tiin a sawi a, Ventura hi an coach thar a ni ngei dawn niin a lang.

Italy hian Pathianni zan dar 12:15-ah Scotland chu Euro inbuatsaih nan friendly match an khelhpui dawn a ni.