Costa thlaktu Kaka

Douglas Costa inhliam vangin Kaka chu Copa America Centenario khel turin Ningani khan Brazil squad-ah koh leh hnuhnawh a ni.

Bayern Munich mid-fielder Costa hi Borussia Dortmund nen German Cup final an khelh ṭum khan a inlan a, penalty shootout-ah hnehna chang mah se a malpui vei lam a nat avangin Copa America a khelh theih loh phah dawn.

Brazil coach Dunga chuan Costa aiawh tur hian tun season MLS match sariha anga goal hnih khunga a ṭhiante goal khung tur vawi nga siamsaktu Kaka hi a ko.

Kum 2002 khan Luiz Felipe Scolari hnuaiah kum 19 chauha upa niin Kaka hian Brazil tana a match khatna a khel a, tun dinhmunah match 91 a inlan tawh.

Brazil hi Copa Ame-rica-ah hian vawi riat champion tawhin kumin-ah hian Group B-ah Haiti, Ecuador leh Peru te nen an awmkhawm a ni.