Season hmang ṭha lo Casillas

Euro 2016-a Spain first choice keeper tur Iker Casillas chu kum 15 chhunga Porto goalkeeper zinga goal chhuah hnem ber a ni!

Spanish keeper hian season hman zawh takah khan league match 32 khelin goal 28 a chhuah a, Porto-in league match 34 an khelh aṭanga goal 30 chhuahin an club chanchina season khata goal an chhuah tam ber
ṭum a ni.

Real Madrid-a ma-mawh a nih loh hnuah Casillas hian Portuguese club lam hi a pan a, beisei erawh a phak lo hle. Primeira Liga-ah champion inum boruak san laiin holam taka goal chhuah a ching hle a, Vitoria de Guimaraes nen an inhamchhawn ṭumin ball man ngheh loh vanga goal a chhuah hnuah Braga nen an inhmachhawn
ṭuma ball pet chhuak tura a tlanna lamah chesualin goal a chhuah bawk.

Spain hian Pathianni zan dar 9:30-ah Bosnia-Herzegovina chu Euro 2016 inpuahchah nan friendly match an khelhpui ang.