Xhaka leh Pirlo khaikhintu Djourou

Arsenal defender hlui Johan Djourou chuan tun hnaia pound maktaduai 30-a Emirates stadium pantu Granit Xhaka chu Italian legend Andrea Pirlo nen in ang khat an nih thu a sawi.

Bundesliga club Ham-burg tana khel mek Djourou chuan, "Granit hi footballer ṭha tak a ni a, a ke veilam a hman thiam dan hi a mak thlawt a ni. A duhna takah ball a dah thei a, mi ball ken lai a chhuhsak thei em em bawk. A vaia khaikhawm nan chuan footballer ṭha chungchuang bik a ni," tiin a hnampuipa chu a fak hle.

Djourou hian a la duhtawk mai lo. Borussia Monchengladbach captain hlui chu fak chhun-zawm-in, "Ball kal dan tur a hrethiam a, ṭhiante thun tur a siamsak thiam bawk. Dik taka sawi chuan Xhaka hi Pirlo nen an khelh dan a in ang hle," a ti.

Euro 2016 khel tur Switzerland squad-ah Djourou leh Xhaka an awm ve ve a, zanin dar 7:45 hian Euro inbuatsaih nan friendly match-ah Belgium an hmachhawn ang.