Ronaldo, Ronaldo, Ronaldo?

Cristiano Ronaldo hian Lisbon-ah Atletico Madrid lamah goal khungin 2014 khan Champions League nomawi a ṭum hnih nan a chawi a, a chawi hmasak zawk chu Manchester United tana niin kum 2008 daih tawh kha a ni a, Chelsea an hneh ṭum pawh hian final-ah goal a khung nge nge. Tun ṭumah hian goal a khung leh thei ang em?

Milan-ah

Stadio San Siro-ah Ronaldo hian match li (United-3; Real-1) a khel tawh a, goal a la khung loh bakah a chak zawk lamah a la ṭang lo.

Atletico lamah

Portuguese forward hian Atletico vawi 24 a hmachhawnah goal 15 a khung. Heng zinga vawi sarih hi penalty aṭangin a ni a, Diego Simeone hote tan penalty chawi loh bakah inkhelh ṭanah fimkhur a ṭul dawn. Ronaldo hian ṭan aṭanga minute 25 chhungin a goal 15 zinga pariat hi a khung.

Record siamtu?

Ronaldo hian 2013-14 season-a Real a champion ṭum khan goal 17 khungin goal khung tam lamah UCL record neitu a ni a, kumin hian UCL bikah goal 16 a khung tawh. Zanin hian ama record khum theihna hun ṭha a nei a ni.

Real Madrid forward hian tun season inelna hrang hrangah goal 51 a khung tawh a, a ropui lai chu hei hi a tih dan pangngai a ni. Spanish club a zawm hmasak ber ṭumin goal 33 a khung a, a bak zawngah chuan goal 51 a khung tling vek.