Natnain a ngam loh Kamara

Thla thum liam taa lung lam ṭha lo vanga in-khelh chawlhsan tura tih DC United striker Alhaji Kamara chuan Inrinni zan khan khelmual chhungah a hmel a lan a, Major League Soccer-ah a team tan chakna goal a khung!

Kum 22-a upa striker hi Sporting Kansas City nen an inhmachhawn ṭum-in hun tawp hnaih lamah tlan luhtir a ni a, 1-0 a an chakna ni turin a ball khawih hmasak ber chu goal-ah a chantir nghal a ni.

Sierra Leonean striker Alhaji Kamara chuan, "Thla ruk chhung inkhel thei loin ka chawl tawh a, ka hun tawn thim takte kha ka ngaihtuah let hian khelmual chhunga ka inlan leh thei hi ka lawm takzet a ni," a ti.

Kamara hi Swedish champion IFK Norr-koping tan a khel ṭhin a, February thla khan lung ṭha lo a nei tih hriatchhuah a nih avangin Swedish club hian an squad a-
ṭangin an paih - doctor-ten khelmual chhungah inkhelh laia a nunna a chan mai an hlauh vang a ni.

FIFA leh UEFA meuh pawhin inkhelh chawlh-san mai tura thurawn an pek hnuah Kamara hian USA lam panin a inenkawl a, MLS car-dio-logy consultant leh Med-Star Georgetown Uni-versity Hospital-a heart specialist ten uluk taka an en hnuah inkhelh phalna an pe a, DC United hi zawm-in season tawp apianga a lung en tir ṭhin tura thu-rawn pek a ni thung.