Lalrema Ngente TT champion Alberto

Inrinni khan Lalrema Ngente Memorial Mizo-ram Ranking Table Ten-nis Championship chu Mizoram Table Tennis Hall, Kawltheihuan, Mis-sion Vengah khelh zawh a ni a, Alberto Lalremruata chuan Men’s Single-ah Mizoram number 2 Isaac C. Lalsawmliana hnehin a champion a ni.

Youth Boys Singles final-ah Petroleum Sports Promotion Board Academy, Ajmer, Rajasthan a zir-lai, Mizorama chawlh hmanga rawn haw Alberto Lal-remruata Misson Veng (La Paloma TT Club) leh Jeho Himna Kulh-puingheta Lunglei Salem veng (LDTTA) te an in-hmachhawn a, deciding game-ah Jeho-a'n hnehna changin Youth Boys cham-pion lallukhum a khum.

Tun ṭum inelna hi a ngaihnawm hle. Mipa champion Alberto-a'n Youth Boys Singles-ah Jeho a hneh lo a, Youth Boys champion hian Mens team inelnaah Alberto a hneh lo.

Women’s Singles-ah hian hun engemaw chen he category a ro lo rel tawh Lalthansangi Sailo chuan Lalmuanawmi Zote SC hnehin champion nomawi a chawi leh bawk.

Mizoram Table Ten-nis Association leh LB Associates TT Club, Bung-kawn te ṭangkawpin an buatsaih he inelnnah hian LB Associates TT Club chuan gold medal 10 bakah silver pathum leh bronze panga lain overall champion an ni.

Category hrang hranga champion-te

Category Player Club/Association

Cadet Girls Malsawmtluangi LBATTC

Cadet Boys’ Singles Thangsiansanga LBATTC

Sub Junior Girls’ Singles Malsawmtluangi LBATTC

Sub Junior Boys’ Singles Lalmuanawma LBATTC

Junior Girls’ Singles Vanlalnghaki Lunglei DTTA

Junior Boys’ Singles Khamlianthanga LBATTC

Youth Girls’ Singles Lalthansangi Sailo LBATTC

Youth Boys’ Singles Jeho Himnakulhpuingheta Lunglei DTTA

Men’s Singles Alberto Lalremruata La Paloma

Women’s Singles Lalthansangi Sailo LBATTC

Jr Veteran A-35 Women’s Singles Lalchhuanawmi Zote SC

Jr Veteran A-35 Men’s Singles Basanta Meisnam LBATTC

Veteran A-45 Men’s Singles Sailoliana MVTTC

Sr. Veteran A-55 Men’s Singles Lawmsanga CVTTC