UEFA-in Sakho chhuah zalen

Damdawi hman phal loh vanga ni 30 chhung UEFA-in an hrem lailawk Mamadou Sakho chu a hrem hun chhung pawhsei sak a ni dawn lo a, Euro 2016 khel tura a zalen thu Europe-a football thu--neitu sang chuan a puang.

Kum 26-a upa Liver-pool defender hi Europa League last-16 second leg-a Manchester United nen March 17-a an inhma-chhawn zawha test-ah damdawi hman phal loh a hmang tih hmuh chhuah a ni a, UEFA chuan chhui chian a nih chhung ni 30 chu a inkhelh an phal sak lo - thutlukna chiang zawk chu ni rei lo teah puan chhuah a nih tur thu UEFA chuan an sawi bawk.

Sakho chuan UEFA dis-ciplinary committee hnenah zawhna zawt ve nghalin a damdawi hman, thau tih tlemna chu World Anti-Doping Agency-in damdawi hman phal loh a tarlanah a tel ngei leh ngei loh a hriat duh thu a sawi a ni.

Euro 2016-a inlan tur team ten naktuk thleng an squad thehluhna hun an nei a, France coach Didier Deschamps-a'n ram tana vawi 28 inlan tawh defender hi a ko dawn a nih chuan thutlukna a siam vat a ṭul ang.

France hian hliam vang-in Barcelona defen-der Jeremy Mathieu an chhawr thei dawn lo chiang tawh a, ram tana la inlan miah lo Samuel Umtiti chu koh niin May 31 thleng squad hi la tih danglam leh theih a ni.