Bengaluru-in ISL tan player chhuah lawk dawn lo

AFC Cup quarterfinal khel tur Bengaluru FC chuan AFC Cup khelh zawh a nih hma chuan an player-te an chhuah zalen lawk loh tur thu an sawi.

Bangalore club hian Hong Kong club Kitchee SC chu kar hma--sa Nilaini khan AFC Cup-a a sang pariat zinga tel turin an hneh a, quarterfinal hi double-legged niin September-ah khelh tur a ni ang.

India ramah league pahnih neih a nih avangin September-ah In^-dian Super League khelh ṭan tur a ni a, Bangalore club player-ten ISL-ah club an zawm a ngaih bawk si avangin AFC Cup-a an kal zel dan turah zawhna tam tak an dawng nghal.

Ashley Westwood-a kaihhruai team chuan AFC Cup-a an zin-kawng a tawp hma chu an player-ten ISL club an zawm a rem loh tur thu an sawi a, semifinal an lut a nih phei chuan ISL club ho hian Bengaluru player bik chu October thla tawp bawr vel thleng an nghah a ngai dawn tihna a ni.

ISL club zingah Bengaluru-in AFC Cup an thlen sang tuartu tur ber chu Mumbai City an niin a rinawm a, Maharashtra club hian I League champion aṭang hian Sunil Chhetri, Udanta Kumam, Amrinder Singh leh Lalchhuanmawia-te chu an team tana khel tur hian contract an ziah pui tawh.

Inrinni zan khan Bengaluru chuan season tawp Awards semna an nei. (L-R): Goal of the Season – Eugeneson Lyngdoh, Young Player of the Season – Malsawmzuala, Fans’ Player of the Season – Rino Anto, Players’ Player of the Season – John Johnson, Top Scorer of the Season – Sunil Chhetri