Uruguay tan Cavani goal hnih

Copa America inbuat-saih nana inkhel Uruguay an che ṭha hle - Zirtawpni zan khan Edinson Cavani goal hnih thun chhawr ṭangkaiin Trinidad and Tobago chu 3-1 in an hneh.

Barcelona striker Luis Suarez tel loa Uruguay inkhelh zanah beisei loh zawk Trinidad and Tobago tan Jomal Williams chuan minute 7-na lekah goal hmahruai a khung.

Mahse, an thiampuipa awm loh zanah Cavani a khel ṭha a, Paris Saint-Germain striker hian penalty aṭanga an si phurh a sut hnuah chawlhlawk hmain an hmahruaina goal a khung leh bawk. Fiorentina midfielder Matias Vecino chuan Uru-guay goal thumna khung ve lehin Trinidad and Tobago tan tih theih a awm tawh lo.

Cavani-a'n Uruguay tan vawi 81 inlanah goal 32 a khung ta a, Uruguay tana goal khung hnem ber pathumna a ni. PSG striker hian goal 36 khung tawh Diego Forlan leh goal 45 khung tawh Luis Suarez a phak lo mek.

Copa America khelh turah Uruguay hi Group C-ah awmin Mexico, Vene-zuela leh Jamaica-te nen an inkhel kual dawn a ni.