USA-in Bloivia an sawp

Jurgen Klinsmann-a'n Copa America khelh turah a naute chu a sang pali zinga telpui a tum thu a sawi a, he thu a sawi zawh hnu lawkah hian USA chuan friendly match-ah Bolivia chu 4-0 in an sawp.

Copa America khelh a nih hmaa USA inpuah-chahna inkhel hnuhnung berah hian Los Angeles Galaxy winger Gyasi Zardes chuan goal hnih a khung a, centre-back John Brooks leh Christian Pulisic-ten goal khat ve ve an khung bawk.

Kum 17-a upa Pulisic hi USA chanchinah ram tana goal khung thei naupang ber a ni a, Boli-via an hmachhawnna inkhel hi ram tan vawi thum a inlan vena chiah a ni.

Borussia Dortmund midfielder beiseiawm hian season hmasa kha Bundesliga-ah match kua khel vein goal hnih a khung a, Europe-ah vawi thum inlan bawkin Pathianni zing inkhela goal khung tur hian minute 63-naah goal hnih khungtu Zardes thlakin khelmualah a tlan lut.

Copa America inelna thlengtu tur USA hi Group A-ah Colombia, Costa Rica leh Paraguay-te nen group khatah awm hoin quarterfinal luh an inchuh dawn a ni.