Sum chawi hnem tur Lassana Diarra

France midfielder Lassana Diarra chu a club hlui Lokomotiv Moscow hnena pound maktaduai 7.6 pe turin Court of Arbitration for Sport chuan a hriattir a, CAS chuan Real Madrid midfielder hlui hian kum 2014-a Russian club a chhuahsan dawn khan a contract neih lai chu a zahsak lo tiin an puh a ni.

Chelsea, Arsenal leh Portsmouth tan pawha lo khel tawh midfielder chuan, "Ka tih fo ṭhin angin ka chunga rorelna hi ka pawm thlap a ni," tiin sum chawi tura an tih zat chu a club hlui hi a pek tur thu a sawi.

Diarra hian Loko-mo-tiv-ah kum khat a khel hman chauh tihin Russian club hi a chhuahsan a, thla 15 chhung inkhel thei lo tura hrem ni tawhin nikum khan Marseille zawmin Euro 2016-a France aiawh turin koh a ni.