Pro Volleyball Chanmari West hnehin 3rd MAP an him

Zothan Auto Works Pro Volleyball League round chu Zirtawpni zan khan Dengṭhuama Memorial Indoor Stadium, Mualpuiah khelh zawh a ni ta a, 3rd MAP chuan Chanmari West SC lakah 3-0 a hnehna changin season thara Pro Volleyball khelh chhunzawm turin an in ham tang.

League round match hnuhnung ber inkhelah hian a chak lo zawk zawk chu season thara Pro Volleyball League khel thei lo tur an ni a, 3rd MAP hian team ṭha zawk an nihzia lantirin Mizovam Volleyball Association Super League champion pawh lo ni tawh Chanmari West lakah hian 25-21, 25-17, 25-21 in hnehna an chang a, Lalhmuchhuaka chu man of the match atana thlan a ni.

3rd MAP hi Mizoram Volleyball Association first division team ṭha zual pathum zinga pakhat niin Pro Volleyball khel tur hian an tling a, mahse beisei an phak lo thung. TNT Volleyball khawmpui liana vawi hnih champion tawh club hi league table-ah palina an ni phak ṭawk a ni.

League match nga khelh
aṭangin TNT chuan point 12 hmuin table hmahruaitu ni chungin final an lut a, point 10 hmua pahnihna dinhmun luahtu Anastasia VC, Electric Veng nen Thawhlehni zan hian final an khel ang.