French Open-ah Serena a tlo

Champion lai Serena Williams chuan French Open last 16 lut turin fiah-na hautak zet a paltlang leh ta. Inrinni zan khan Kristina Mladenovic chu 6-4, 7-6 in a hneh hram.

Roland Garros, Paris-a inkhelah seeded pa-khatna Serena hian set khatna chu awlsam takin a la mai a, set hnihnaah erawh seeded 26-na Mladenovic a ṭang rei thei hle. Serena hian a match hmasa pahnihah game nga chiah a hloh a, third round-ah erawh a talbuai ve teuh hle a ni.

Set hnuhnung zawkah tie break an khelh hma hian ruahsur vangin darkar hnih leh a chanve chhung an chawl a, tie break-ah Serena hi 12-10 in a vannei zawkah a ṭang ta a ni. Serena hian 2008 champion Ana Ivanovic hnehtu seeded 18-na Elina Svitolina a hmachhawn leh ang.

Inkhel dangah thlaleh maia kum 36 tling tawh tur Venus Williams chuan Alize Cornet lak--ah 7-6, 1-6, 6-0 in hneh-na a chang ve bawk a, Venus hian kum 2010 hnua a vawi khat nan Grand Slam inelnaah last 16 a inhlangkai ve leh ta a ni. Venus hian nikum semifinalist Timea Bacsinszky a hmachhawn ve leh dawn a ni.