England ngai pawimawhtu Hodgson

England manager Roy Hodgson chuan a player-te chu transfer lamah ni loin Euro 2016-ah chiah an rilru pe turin a fuih a, a player-te chu thildangin a tih buai a phal lo.

Tun dinhmuna Eng-land squad zingah Everton defender John Stones chu transfer bazar-a thawm nei ring a ni a, Leicester striker Jamie Vardy chu a contract-ah pound maktaduai 25-a lei theih a nih thu a inziak tel tih tun hnaiah puan chhuah a ni bawk.

Liverpool boss hlui chuan, "Ka player-te hian England tana an feh-chhuah chuan England bak an ngaihtuah a thiang lo tih an hre chiang em em a ni," tiin transfer vanga a player-te an talbuai a hlau hle.