NBA Playoff Thunder hnehin Warriors-in NBA Final an lut
Stephen Curry leh a team Golden State Warriors chuan Oklahoma City Thunder lakah 96-88 a hnehna changin Western Conference Finals-ah hnehna an chang. NBA Finals-ah LeBron James leh a team Cleveland Cavaliers nen an inhmachhawn dawn a ni.
Nimin zing khan Oracle Arena, Oakland-ah Conference Finals Game 7 khelh a ni a, Warriors tan power forward Draymond Green-a'n point hnih vawm lut hmasa berin MVP Curry chuan three point vawm lut hmasa ber bawk mah se mikhual Thunder hian quarter hmasa berah 24-19 in hma an hruai thei! Quarter hnihnaah pawh Thunder bawk a khel
ṭha zawkah an ṭang a, first half a tawp meuh chuan 48-42 in hma an hruai.
Basketball a team ṭha lanna hun tia an sawi ṭhin quarter thumnaah Warriors chuan champion zia chhuahin an mikhual Thunder lakah ṭhat an chhuah tawh lo a, point 29 an hmuh belh laiin an lamah point 12 chiah a lut thung.
Quarter hnuhnung berah Thunder hi point kuain hniam zawk mah se na takin an rawn bei let a, Russell Westbrook-a'n point hnih a rawn neih bakah Kevin Durant chuan point sarih a rawn nei zawn a, minute khat leh second 40 chiah a awm tawhah Thunder hi 90-86 chiahin an hnufual tawh.
Mahse, Curry chuan three free throw hlawhchhuakin second 26.8 chauh a awm tawh tihah three point a vawm lut leh bawk a, Thunder tan tih theih a awm tawh loh avangin Warriors hian a zawnin NBA Finals an lut.
Warriors tan point guard Curry chu a dan pangngaiin a changtupa a ni leh a, court chhungah minute 40 hun a hman chhungin point 36 a score bakah rebounds vawi nga lain assists ṭum riat a nei bawk. Curry bakah hian Andre Iguodala, Andrew Bogut, Klay Thompson leh Green te chu court chhungah minute 40 chuang ṭheuh awmin an chakna thahruai pawimawh an ni.
Game 6 an khelh ṭuma Warriors tana three point vawi 11 zet vawm lut a NBA Playoff game khata three points nei hnem ber record siamtu guard Thompson hian Game 7 biakah hian point 21 nei lehin Curry hnuai chiahah a awm.
NBA chanchinah Golden State hi playoff series-ah 3-1 a an hnufual tawh hnua hnehna chang let leh thei team 10-na chiah an ni. Kum 2012 leh 2013-a Eastern Conference lama team ṭha Miami Heat-in a zawna NBA champion an nih hnuah GSW hian hetiang dinhmuna din leh theihna hun ṭha an nei chiah a ni. An club chanchinah kum 1947 leh 1948 khan a zawnin NBA Final an lo lut tawh bawk a ni.
Eastern Conference lam aṭangin Cleveland Cavaliers chuan Toronto Raptors 4-2 a hnehin NBA Final an lo lut ve tawh bawk. NBA Final hi best of seven series thoa khelh tur niin Zirtawpni zing dar 6:00 hian Warriors khelmual Oracle Arena, Oakland-ah Game 1 an khel ang.
Thawhlehna
GSW hian duhthusama
ṭha-in regular season an hmang zo a, match 73 hnehna changin NBA regular season khat chhunga hnehna chang tam ber record an siam. Playoff First Round-ah Houston Rockets chu 4-1 a an hneh hnuah Conference Semifinals-ah pawh Portland Trail Blazers lakah harsatna tawk loin 4-1 in hnehna an chang.
Amaherawhchu, Confe-rence Finals-ah erawh regular season table-a pathumna Thun-der lakah an talbuai takzet. Match hmasa berah a chak lo zawkah ṭang nghalin Game 4 an khelh zawh meuh chuan 3-1 in an hnufual hman. Mahse, Warriors hian Game hnuhnung pathum la zawnin an tum ram an thleng.
Eng nge an sawi?
Thunder coach Billy Dono-van chuan, "NBA chanchinah chuan team ṭha leh ropui ber an ni. Record thar siam zeltu an nih bakah champion lai an ni a, hnehna chan phu zawk an nih avangin fak an phu," tiin an hneh loh tak chu khawvela basketball team ṭha ber nilai an nih zia a sawi.
A player duhlai Curry fakin GSW coach Steve Kerr chuan, "Mi tam tak ngaihdan chuan beidawng tawh tura ngaih kan ni a, mahse hei hi team ṭha leh tlo kan nih zia fiahna hun a ni zawk. Hun pawimawhah player ṭha chungchuang bik an rawn lang ṭhin a, chutiang mi chu Steph Curry hi a ni," tiin a sawi.
Kum 28-a upa Curry chuan, "Harsatna kan tawk a nih pawha hmachhawn thei turin team pui--tling kan ni tawh a, tun hi hun lawmawm chu a ni. Kan hlim tur a ni a, match li hneh---na chang leh thei tura kan inbuatsaih nghal a ngai ang," tiin Cleveland nena an inhma--chhawn tur a sawi lang tel bawk.
Conference Finals Thlirna Tawi
Thunder 108 - 102 Warriors
Thunder 91 - 118 Warriors
Warriors 105 - 133 Thunder
Warriors 94 - 118 Thunder
Thunder 111 - 120 Warriors
Warriors 108 - 101 Thunder
Thunder 88 - 96 Warriors
(Golden State hian series 4-3 in an la)