Germany-ah Reus a tel lo

Borussia Dortmund winger Marco Reus chu Euro 2016 khel tur zingah telh a ni lo a, amah ang bawka inhliam vanga buai Manchester United midfielder Bastian Schwein-steiger erawh Ger-many squad-ah telh a ni.

Kum 27-a upa Reus hi kum 2012 khan German Footballer of the Year-ah thlan a ni a, mimal angin fak hlawh ṭhin viau mah se inhliam vangin a hlawhtling tawk lo. Dortmund winger hi inhliam vangin 2014 FIFA World Cup-ah a tel tawh lo a, tun ṭuma telh a nih loh chhan pawh hi hliam vang tho a ni.

Germany coach Joa-chim Low chuan, "Medical staff-in a dinhmun dik tak an sawi thei lo a, Marco dinhmunah hian hlauhthawnna an neih avangin kan thlang ta lo. Kan thutlukna hi Marco tan chuan hriatthiam har tak a ni ngei ang. Dam
ṭha ngat se chuan team tan inchhuanna tham a ni," tiin a sawi.

Dortmund winger Reus hi hliam na tak niin a lang lo a, Germany squad aṭanga an paih ni leh a piancham (May 31) a inrual chiah bawk avangin Low-a thutlukna hi hriat a hrehawm lehzual ang. Reus bakah TSG 1899 Hoffenheim right back Sebastian Rudy leh Bayer Leverkusen midfield duo Julian Brandt leh Karim Bellarabi te chu final squad-ah an tel pha lo.

Kum 31-a upa Schw-eins--teiger erawh March thla aṭang khan khup hliam vangin la inlan lo mah se France zin tur zingah telh a ni a, ani hi Philipp Lahm-a'n ram tana football khelh a chawlhsan hnua captain armband hrengtu a ni.