Lewandowski hoin Poland

Poland coach Adam Nawalka-a'n Euro 2016 khel tur player 23 chu Thawhṭanni khan a ti-chiang a, Bayern Mu-nich striker Robert Lewan-dowski chu team innghahna tur a ni.

Season liam taa Ba-yern tana goal 42 khung-tu Lewandowski hi Real Madrid-ah Karim Benzema thlak tura anga sawi a ni a, Zlatan Ibrahimovic hmun ruak hnawh khat turin PSG-in an bia niin sawi a awm bawk. Amaherawhchu Bayern chairman Karl-Heinz Rummenigge chuan, "Thutlukna siam a ni tawh. Lewandowski chungchangah hi chuan sum eng zat pawh club dangin rawn theh chhuak se a chhuah kan phal lo," tiin a sawi thung.

Lewandowski hi tlar--hma lamah Poland hmanraw hlauhawm ber a ni tih a chiang a, chutihrualin midfielder pahnih Bartosz Kapustka (kum 19) leh Piotr Zie-linski (22) te hi chhin-chhiahtlak an ni. Cracovia leh Empoli midfielder te hian Euro 2016 an hmang ṭha a nih chuan season tharah club langsar zawk tan an khel thei ang.

Poland final squad-ah hian goal-keeper Przemy-slaw Tyton, defender Pawel Dawidowicz leh forward Artur Sobiech tan hmun a awm lo a, inhliam vangin Maciej Rybus leh Pawel Wszolek te koh tel an ni lo. Nawalka hote hi Germany, Northern Ireland leh Ukraine te nen Group C-ah an awm.

Squad

Goalkeepers : Lukasz Fabianski (Swansea), Wojciech Szczesny (Roma), Artur Boruc (Bournemouth).

Defenders : Thiago Cionek (Palermo), Kamil Glik (Torino), Artur Jedrzejczyk (Legia), MichaL Pazdan (Legia), Lukasz Piszczek (Dortmund), Bartosz Salamon (Cagliari), Jakub Wawrzyniak (Lechia Gdansk).

Midfielders : Jakub BLaszczykowski (Fiorentina), Kamil Grosicki (Rennes), Tomasz JodLowiec (Legia), Bartosz Kapustka (Cracovia), Grzegorz Krychowiak (Sevilla), Karol Linetty (Lech Poznan), Krzysztof Maczynski (WisLa), SLawomir Peszko (Lechia Gdansk), Filip Starzynski (ZagLebie Lubin), Piotr Zielinski (Empoli).

Forwards : Arkadiusz Milik (Ajax), Robert Lewan­dowski (Bayern), Mariusz Stepinski (Ruch Chorzow).