Koh zingah Elvedi leh Zakaria
Switzerland coach Vladimir Petkovic chuan tawnhriat ngah defender Philippe Senderos aiah ram tana vawi khat chauh la inlan Nico Elvedi a thlang.
Kum 19-a upa Elve-di hi Inrinnia Belgium 1-2 a an hneh loh ṭum-in substitute aṭang-in a lut a, Borussia Monchengladbach defen-der khelh danah coach mit a tlung. Thawhṭanni khan Switzerland final squad hi puan a ni a, Elvedi ang bawka Belgium an hmachhawn ṭuma match hmasa ber khel BSC Young Boys defensive midfielder Denis Zakaria chu squad-ah telh a ni bawk.
Arsenal player hlui Senderos, Udinese left back Silvan Widmer leh Basel midfielder Luca Zuffi tan Switzerland squad-ah hmun a awm lo.
Switzerland hi Group A-ah Albania, France leh Romania te nen an awm ho a, Arsenal lakluh thar Granit Xhaka leh Stoke City winger Xherdan Shaqiri te chu an player langsar an ni.
Season liam taa Glad-bach captain Xhaka hian London club a zawm avangin en bik a hlawh dawn a, feet ruk leh inches khata sang midfielder hi kum 23 chauha upa ni mah se June 4, 2011 daih tawh khan ram tan a khel ṭan tawh. Swiss midfielder hi 2014 FIFA World Cup-ah a ṭhatna a lang tawh a, sum thehchhuah harsat Arsene Wenger meuhin pound maktaduai 30 bawr vela a lei ngam chu a chhe thei lo.
Arsenal player hlui Johan Djourou-a'n ram tana a khelhpui Xhaka hi Andrea Pirlo nen a tehkhin a, Euro 2016-ah a chiang ang.
Squad
Goalkeepers : Roman Burki (Dortmund), Marwin Hitz (Augsburg), Yann Sommer (Monchengladbach).
Defenders : Johan Djourou (Hamburg), Nico Elvedi (Monchengladbach), Michael Lang (Basel), Stephan Lichtsteiner (Juventus), Francois Moubandje (Toulouse), Ricardo Rodríguez (Wolfsburg), Fabian Schar (Hoffenheim), Steve von Bergen (Young Boys).
Midfielders : Valon Behrami (Watford), Blerim Dzemaili (Genoa), Gelson Fernandes (Rennes), Fabian Frei (Mainz), Xherdan Shaqiri (Stoke City), Granit Xhaka (Arsenal), Denis Zakaria (Young Boys).
Forwards : Eren Derdiyok (Kasimpasa), Admir Mehmedi (Leverkusen), Breel Embolo (Basel), Haris Seferovic (Frankfurt), Shani Tarashaj (Grasshoppers).