Match hmasa berah Murray chak lo

Tennis grass court season an ṭan a, world number 1 hlui Andy Murray chu a match hmasa berah a chak lo nghal. Stuttgart Open-ah Murray hian Marcos Giron a hneh lo.

Wimbledon inbuatsaih nan Murray hi a inlan a, a khingpui American player laklah beisei nei sang viau mah se 6-3, 6-4 in a chak lo a, inelna lian atan inbuatsaihna a nei ṭha rih lo tihna a ni.

Kum 37 mi Murray chuan, "Inkhel loin ka awm reng a, tunah erawh ka rilru leh taksa lamah harsatna ka nei lo. Ka kerek leh hnungzâng na pawh a dam tawh, tournament lehpekah chuan tun aia ṭha zawkin khelh theih ka inbeisei," a ti.

British player dang Emma Raducanu pawh Wimbledon khel turin a inbuatsaih mek. Nottingham Open-ah inlanin a match hmasa berah Japanese nula Ena Shibahara chu 6-1, 6-4 in a hneh.