Bul ṭan thei lo tur Lewandowski

Poland tan chuan chanchin duhawm lo a ni ngei ang. Robert Lewandowski chu a malpui hliam a la dam chiang lo a, hei vang hian tun kartawpa Netherlands nen Euro 2024 an match hmasa ber an khelh hunah a la inlan thei dawn lo.

Kum 35 mi Lewy hi tun kartira Turkey nen an inkhelh ṭumin a inhliam, a hliam hi na tak ni lo mah se Dutch team hmachhawn turin a inpeih hman dawn lo, a hnu lamah erawh inlan hman tura beisei a ni.

Turkey nen an inkhelh ṭum hian minute 33-naah lak chhuah a ni. Barcelona striker chungchangah Poland FA chuan thu chhuah siamin, "Lewandowski chu a malpui tirhawl hliam vangin Euro match hmasa berah a inlan ve dawn lo," an ti.

Poland hian Netherlands bakah Austria (June 21) leh France (June 25) te an hmachhawn dawn, an group-ah team ṭha an tam a, vawi khat lek a inlan thei lo tur pawh hi a hmun ruak hnawhkhah a huphurhawm khawp ang.

Defender Pawel Dawidowicz leh striker Karol Swiderski te pawhin hliam tenau an nei a, mahse tun kartawp hmain training pangngai an zawm hman beisei a ni thung.