Portugal leh Ronaldo inbuatsaih ṭha

Cristiano Ronaldo chuan European Championship khel turin inbuatsaihna a nei ṭha hle - Euro 2024 hmaa an match hnuhnung berah goal hnih khungin an ram hi Republic of Ireland lakah 3-0 in a chakpui.

Thawhlehni zan khan Aveiro, Portugal-ah ram pahnihten friendly match an khel a, minute 18-naah Joao Felix chuan Bruno Fernandes siamsak khungin hma an hruai a, second half-ah player an siksawi zui nual.

Ronaldo hun a inher chhuak - Portugal captain hian box chhungah ball kang a la thla chat a, amah vengtu a bum hnuah goal chung kilah a khung, a goal pakhat zawk hi a sir aṭanga an cross tiding hmasa loa a lo khung nghal a ni bawk.

Roberto Martinez-a naute tan chuan Euro khel tura inbuatsaihna ṭha tak a ni ang, a bik takin an captain Ronaldo a khelh ṭhat avangin tournament lian hmachhawn turin inrintawkna an neih belh ngei dawn a ni.

Portugal hian Euro an match hmasa ber atan June 18 zanlaiah Czech Republic an hmachhawn ang, chumi hnuah Turkey leh Georgia te nen an inhmachhawn chhunzawm leh ang.