Euro 2024-ah Man City leh Inter ten player an thawh hnem ber

UEFA Euro 2024 chu June 14 - July 14, 2024 chhungin Germany-ah khelh a ni dawn. Team tinin player 23-26 inkar an ziaklut thei a, tun ṭum inelnaah hian Manchester City leh Inter Milan ten player an thawh hnem ber.

Man City leh Inter hian player 13 ve ve an thawh a, PSG leh Real Madrid ten player 12 ve ve an thawh bawk. Bayern Munich, RB Leipzig leh Barcelona ten player 11 ṭheuh an thawh a, Arsenal leh Bayer Leverkusen ten player 10 an thawh.

Liverpool, Roma, Juvents leh Slavia Prague ten player pakua ṭheuh an thawh. Manchester United, Wolfsburg, Bologna leh AC Milan ten player pariat ṭheuh an tir a; Europe inelna sang berah hian UAE Pro League, MLS, K League, Saudi Pro League leh Qatar Stars League khelte pawh an awm.

Team enkawltu coach lamah Italian coach an tam ber. Italian coach panga Francesco Calzona (Slovakia), Vincenzo Montella (Turkey), Domenico Tedesco (Belgium), Marco Rossi (Hungary) leh Luciano Spalletti (Italy) ngawt hmuh tur an awm dawn. Chutihrualin Brazilian coach Sylvinho (Arsenal leh Barcelona player hlui) pawhin Albania a enkawl ang.

Tun ṭum inelnaah hian

Pepe (26 February 1983) a upa ber a, Barcelona winger Lamine Yamal (13 July 2007) chu a naupang ber thung. Coach zingah kum 65 mi Ralf Rangnick (29 June 1958) a upa ber a ni a, German coach hian Austria a enkawl dawn. Kum 36 mi Julian Nagelsmann (23 July 1987) chu coach zinga naupang ber a ni thung.